Ohituren biziberritzea: Komunitategintza aktibatzeko giltza

Gaurko gizartean ohiturek jokatzen duten eginkizuna komunitatearen egituraketan aipatu zen, hainbat ohidura adibideetan zentratuz. Besteak beste, gau beltza, atsolorra eta Lapurdiko ihauterien adibideak aitzina eman ziren. Mintzaldi guzti horiek Tauparen webgunean dira ikusgai.

Argitxu Camus Etchecoparek Euskal kultur erakundea eta bere eginkizunak, hala nola ahozko memoriaren bilketan eraman lana, laburzki aurkeztu ondoren, Mathias Olasok Lapurdiko ihauterietan egiten den etxez etxe ibiltzea aipatu zuen.

• Argitxu Camus Etchecoparen aurkezpena ikusi - Sarrera: Lapurdi Ihauteriaren biziberritzea / Iparraldeko esperientzia
• Mathias Olasoren aurkezpena ikusi - Lapurdi Ihauteriaren biziberritzea / Iparraldeko esperientzia

2024an Eleketa programaren baitan bildu lau lekukotasunetan bermatuz, horrelakoa izan zen Mathias Olasoren aurkezpenaren ildoa:

• Herrian eta herritarrekin antolatzen den ospakizunarekin, elkarte batek diru iturri sendoa lor dezake. Ohidurak urtetik urtera errepikatzen dira oharkabeko aldaketak eramanez; izan ere, aldaketa sakonagoak plazaratzeko, batzuetan eztabaidak eta tentsioak ezinbestekoak dira.
• Tradizio edo iraganetik inspiratzeak, jatortasuna ematen dio ospakizunari. Hala bada ere, inspirazioa baizik ez da; moldatze eta ber antolatzeek ohiduraren bizitasuna ziurtatzen dute.
• Etxez etxe egiturak, herri kultura gauzatzen du: parte hartzaile guziak aktore, publiko eta subjektu dira aldi berean. Forma irekia da, oholtza gainean egiten den ikuskizuna ez bezala.
• Ospakizun batek hizkuntz joerak eragiteko gaitasuna badu. Horrez gain, soziabilitatea bermatzen du herrian, belaunaldien arteko lotura gauzatuz.

Gehiago jakin

• Erabiliak izan diren Eleketako pasarteak, Mintzoak webgunean
  - Maritxu Goyheneche Cedarry: Kaskaroten abiapuntua
  - Pierre Latasa Goya: Bere herrian dantzatu
  - Ion Elizondo: Bertsolariaren presentzia
  - Elena Eyherabide eta Jean-Raymond Mailharrancin: Euskararen tokia
• Taupa eguneko mintzaldiak