Neguko eta inauterietako tradizioei buruzko baliabide biltegia
Dokumentuak, ikusentzunezko baliabideak, ikonografia funtsak.
Thierry Truffaut ikerlariaren film funtsa
Thierry Truffaut antropologoak egin filmeak, herriz herri ibili zenean, batez ere 2000 urteetan, neguari eta inauteriei buruzko tradizioak (baina ez bakarrik) ikertzen zituelarik Lapurdin bereziki.Bideoak ikus
Dantzan elkarteko fototeka
Dantzan elkarteak (Eibar, Gipuzkoa) denen esku uzten ditu bere kideek egin argazkiak. Anitzek dantza tradizioek inauteen eta neguko errituen testuinguruan duten lekua agerian uzten dute. Asko Creative Commons lizentziapean zabalduak dira.Ikus fototeka
Dantzan elkarteko bideo-bilduma
Ihauterien garaian Euskal Herrian zehar egin bideoak ikus daitezke Dantzan.eus atarian.Inautei buruzko bideoak
Jean-Michel Guilcher etnologoaren film funtsa
Jean-Michel Guilcher etnologoa (1914-2017) dantza tradizionalen ikerketan ezinbesteko ikertzailea izan zen, bai Frantzia mailan bai eta Euskal Herrian ere. 1962 eta 1976 urteen artean, Hélène emaztearekin, Iparraldean gaindi ibili ziren. Xiberoan maskaradetako dantzak filmatu zituzten, besteak beste.Bideoak ikus
Thierry Truffaut (1957, Baiona, Lapurdi) antropologoa da, animatzailea, eta batez ere ihauterizale amorratua. Dentsitate handiko lanen autore, Lapurdiko ihauterien XX. mendeko biziberritzean parte hartu du eta berantago ikertu. Atal honen osatzeko urratsetan, hau da neguko errituei eta ihauteriei buruzko baliabideen bilketan laguntza handia ekartzen digu.
