Euskaraz irakurtzeko zonbait liburu gomendagarri

Euskal kultur erakundeak 2021ean abiatu zuen ELKARTUZ desmartxaren ondotik, literaturaz amoratua den boluntario talde ttipi bat hainbat aldiz bildu da.
Euskaraz irakurtzeko zaletasuna pizteko eta, oro har, tokiko literatura sorkuntzaren aberastasuna ezagutarazteko, parte hartzaileek euskarazko booktrailer lehiaketaren proiektua burutu dute kolektiboki lurraldean, bigarren urtez segidan esperimentatua izan dena aurten.

Erregularki biltzen segituz, aldi honetan taldeak 50 bat libururen hautaketa proposatzen du. Genero eta gai ezberdinak jorratzen dituzte eta norberak ukan lezakeen euskara mailaren arabera sailkatuak.

Zerrenda hau ez da hetsia, eta tresna praktikoa izan nahi du, bakoitzak liburu egokia hauta dezan, euskaraz irakurtzen hasteko edo segitzeko.
Beste ekimen batzuk jalgiko dira, dudarik gabe, datozen hilabeteetan.
Proiektuak interesatzen bazaitu eta taldean sartu nahi baduzu, EKEri jakinaraz iezaiozu.

Gehiago jakin

• http://irakur.eke.eus