Jakes Larre
2023/01/02
Azken 15 urte hauetan daramagun Eleketa ahozko memoriaren ikus-entzunezko bilketaren emaitzen ezagutzeko modu berri bat proposatzen dizugu. Izan ere gai baten inguruan hautatutako elkarrizketa zatiak edo lekukotasun sortak agertuko dira hemendik aitzina Mintzoak.eus plataforman.
Eleketa bezalako funtsen arakatzeko balio dute lekukotasun sorta horiek. Adibide gisa lau bilduma eman ditugun sarean. Bideo-pasarte hautatuez osatuak. Gehienek azpitituluak badituzte.
Beste lekukotasun sorta batzuk argitaratuko ditugu ondoko hilabeteetan, gure transmisio egitasmo desberdinetan agertuko diren beharren arabera edota publiko zabalak gustukoak ukan lezazkeen gaiak aukeraturik. Eleketa funtsaz bestalde beste artxibo-bilduma batzuk ematen ahalko dituzte ere agerian.
2007. urteaz geroztik garatzen du Eleketa programa Euskal kultur erakundeak, Pirinio Atlantikokoko Departamenduaren obralaritzaren pean, erakunde honen jabegoan direlarik bildutako grabaketak. Gaur arte 460 lekukotasun baino gehiago bilduak izan dira karia hortara, gehienak euskaraz.