Albisteak
Nafarroako Arteen Merkatua eta Profesionalen Topagunearen 3.edizioa
948 Merkatua, Nafarroako Arteen Merkatua eta Profesionalen Topagunearen 3.edizioa ospatuko da aurten, azaroaren 20,21 eta 22an, Iruñan. Edizio hau, berriz definitua, berrikuntzez josia alor artistikoan zein profesionalean, eta programazioaren antolakuntzan ere, berritua datorkigu. Besteak diziplina artekoak eta hibridoak diren proposamen artistikoak identifikatzeko eta erakartzeko deialdi bat antolatua da 2019ko agorrilaren 3a arte. Arreta handiz begiratuko zaie Akitania-Berria eskualdetik iritsiko diren proposamenei.
Okupazioaren denboran Euskal Herrian egon haur juduen bila
Anne Oukhémanou historialariak eta Baiona eta Euskal Herriko komunitate juduaren espezialistak, eta Gérard Eder kazetari erretretadunak eta Sud Ouest egunkariko Euskal Herriko adarreko erredakzio arduradun ohiak, joan den apirilean ikerketak abiatu zituzten Okupazioaren denboran eta Liberazioa arte Euskal Herrian egon haur juduen hatza berriz atzemateko. Orain arte hirurogei bat atzeman dituzte. Ikerketa aitzinatzeko deialdi bat eginen dute.
Gazteluma literatur sorkuntzarako burtsa 2018
Baionako Elkar liburudendak, Elkar fundazioaren eta Euskal kultur erakundearen laguntzarekin, Iparraldeko idazle gazteak euskaraz idaztera lehiatzeko asmoz, Gazteluma X. literatur sorkuntzarako burtsa antolatzen du. Deialdian edonork parte har dezake, 40 urtez petiko adina izanez gero. Egitasmoen aurkezteko azken epea: 2018ko urriaren 15a.
KIMU deialdiaren hirugarren edizioaren emaitzak
Asier Zabaleta, Oihane Enbeita, Arantxa Hirigoyen eta Barbara Rivas aukeratuak izan dira 2018 urteko KIMU programan parte hartzeko. Donostia Kulturak eta Euskal kultur erakundeak dute KIMU programa eramaten Biarritz Culture eta Teatro Paraiso egiturekin partaidetzan. Lau artistek haur eta gazteei zuzendutako arte eszenikoetan trebatzeko formakuntza bat ukanen dute.
KIMU deialdiaren hirugarren edizioa
Donostia Kulturak eta Euskal Kultur Erakundeak Kimu programaren hirugarren deialdia martxan ezarri dute. Honen xedea haur eta gazteei zuzendutako arte eszenikoetan formakuntza programa bat eskaintzea da. Euskal Herriko lau artista hautatuak izanen dira. Deialdia zabalik izanen da 2018ko urtarrilaren 7a arte.
Euskal kultur erakundeko 2018. urterako partaidetza eskaera txostenak
Beren urtesaria ordaindua duten Euskal kultur erakundeko elkarte-kideek 2018. urteko kultura egitasmoaren barnean kokatuko diren partaidetza eskaera txostenak postaz eskuratu dituzte. Eskaerak 2017ko azaroaren 13a aitzin itzuli beharko dira.
Departamenduak eta Akademia Ikuskaritzak abiatu dute Arte eta Kultura Heziketan ari diren kultur eragileen labelizazioa
Departamenduak eta Akademia Ikuskaritzak, arte eta kultura heziketan ama eskolatik lizeora arte ari diren kultur eragileen labelizazio dispositiboa abiatu dute. Ezagupen hori lortuko dutenak Canopé sareak lehen eta bigarren mailako irakasleei banatzen dien kultur eragileen zerrendan sartzen ahalko dira. Egitura publiko bat edo elkarte bat izan behar da hautagai izateko. Hobetsiko dira kalitatezko euskarazko kultur eskaintzak.
Euskal idazle egonaldia Abbadiako eremuan: 2017ko deialdia
Zazpigarren aldikoz, Euskal Kultur Erakundeak, CPIE Euskal Itsasbazterrak eta Euskal Idazleen Elkarteak (EIE) beren baliabideak eta gaitasunak bateratzen dituzte gazte literatura egonaldi baten antolatzeko Hendaian. Egonaldia euskal idazle guziei zuzendua da. Hautagaitza aurkezteko epea: 2017ko maiatzaren 29a.
Euskararen Erakunde Publikoak eragile pribatuen diruz laguntzeko 2017ko dispositiboa ireki du
Euskararen Erakunde Publikoaren administrazio kontseiluak Iparraldeko eragile pribatuen diruz laguntzeko 2015eko dispositiboa ireki du. Diru laguntza eskabide txostenak 2017ko apirilaren 30erako helarazi behar dira.
Arte plastikoa eta musika egonaldi deialdia BALEAPOP #8
Moï Moï kolektiboak BALEAPOP festibalaren 8.edizioa antolatzen du 2017ko agorrilaren 23tik 27ra Donibane Lohizunen, Ducontenia parkean eta hiriko zentroan. Karia hortara deialdi bat antolatua da. Helburua: arlo anitzeko (musika eta artea) obra bat burutzea Baleapop festibalarentzat. Hautatutako artistak/artista kolektiboak obra berezi baten ekoizpenarentzat elkarlanean arituko dira, bi diziplinak uztartuz. Parte hartzeko epea: 2017ko martxoaren 2a aitzin.
KIMU deialdiaren emaitzak
Ainara Unanue, Maryse Urruty, Lore Goyetche eta Mikel Sarriegi aukeratuak izan dira 2016/2017 edizioko KIMU programan parte hartzeko. Donostia 2016k, Donostia Kulturak eta Euskal kultur erakundeak dute KIMU programa eramaten Hego Lapurdiko Hirigunea, Biarritz Culture eta Teatro Paraiso egiturekin partaidetzan. Lau artistek haur eta gazteei zuzendutako arte eszenikoetan trebatzeko formakuntza bat ukanen dute.
Euskal kultur erakundeko 2017. urterako partaidetza eskaera txostenak
Beren urtesaria ordaindua duten Euskal kultur erakundeko elkarte-kideek 2017. urteko kultura egitasmoaren barnean kokatuko diren partaidetza eskaera txostenak postaz eskuratu dituzte. Eskaerak 2016ko azaroaren 15a aitzin itzuli beharko dira.
Euskal zinemaren banaketarako animatzaile bat bilatzen da
Atalante zinegela kudeatzen duen Cinéma & Cultures elkarteak langile bat xerkatzen du. Animatzaile honek euskal filmen hedapen eta banaketa egitasmoen animazioa eta obratzea segurtatu beharko ditu. Hautagaitza txostena helarazteko epea: 2016ko urriaren 15a.
KIMU: haur eta gazte publikoari zuzendutako arte eszenikoen inguruko formakuntzan parte-hartzeko deialdia
Donostia 2016 Fundazioak, Donostia Kulturak eta Euskal kultur erakundeak Kimu programaren bigarren deialdia martxan ezarri dute. Honen xedea haur eta gazteei zuzendutako arte eszenikoetan trebatzeko parada eskaintzea da. Euskal Herriko lau artista hautatuak izanen dira. Deialdia zabalik da 2016ko irailaren 10a arte.
"Hecho en casa" konpainiak emazte antzezleak bilatzen ditu
"Caché dans son buisson de lavande, Cyrano sentait bon la lessive" / "Bere izpika sasi gibelean gordeturik, Cyranok lixiba usain goxoa zeukan" ikusgarriaren euskal bertsioaren sorkuntzaren karietara, Hecho en casa konpainiak talde artistiko euskaldun bat osatu nahi du. Sorkuntza 2017ko udazkenerako aurreikusia da. Hiru antzezle euskaldun bilatzen dira, 25 eta 40 urte arteko emazteak esperientzia profesional batekin. Deialdian parte hartzeko epea: 2016ko irailaren 1a aitzin.
Zinema eta literatura arloko sortzaileak eta eragileak nazioarteratzeko bidaia poltsak
Argitaratu ditu Etxepare institutuak 2016. urterako euskararen eremu geografikotik kanpo zinema eta literatura arloko sortzaileak eta eragileak nazioarteratzeko bidaia poltsetarako diru-laguntzak. Eskabideak aurkezteko epea 2016ko urriaren 31n amaituko da.
Gazteluma literatur sorkuntzarako burtsa 2016
Baionako Elkar liburudendak, Elkar fundazioaren eta Euskal kultur erakundearen laguntzarekin, Iparraldeko idazle gazteak euskaraz idaztera lehiatzeko asmoz, Gazteluma IX. literatur sorkuntzarako burtsa antolatzen du. Deialdian edonork parte har dezake, 40 urtez petiko adina izanez gero. Egitasmoen aurkezteko azken epea: 2016ko urriaren 17a.
Euskal kultur erakundeak kultura arartekolari bat bilatzen du
Euskal kultur erakundeak kultura arartekolari bat bilatzen du (10 hilabeteko kontratu mugatua). 2016ko irailetik 2017ko ekaina arte amatasun oporraldian izanen den langile bat ordezkatuko du, denbora osoz. Lanpostuaren abiatzea : 2016ko irailaren 1ean.
Mikel Laboa diru-laguntzak arte-sormena bultzatzeko: dantza izanen da 2016ko arloa
UPV/EHUko Mikel Laboa Katedrak Mikel Laboa diru-laguntzen deialdia egiten du arte-sormena bultzatzeko. Aurtengo arloa dantza izanen da. 35 urtetik beherako artista gazteei zuzendua da. Eskariak aurkezteko epea: 2016ko irailaren 12a.
Musika birak eta kontzertu bereziak sustatzeko 2016ko diru-laguntzak zabaldu ditu Etxepare institutuak
Etxepare Euskal Institutuak 2016 urterako musika biretarako eta kontzertu berezietarako diru-laguntza modalitatearen deialdia argitaratu du. Musika biratzat hartzen du, urte osoan, 5 kontzertu gutxienez 3 plaza ezberdinetan jotzea euskararen eremu geografikotik at. Ekainaren 30a arte dago zabalik deialdia.
