Maia Etchandy
2020/09/03
Euskal kultura ohoretan Rocher de Palmer-en
Bordele ondoko Cenon herriko Le Rocher de Palmer kultur aretoak, euskal kulturari ateak berriz idekiko dizkio udazken honetan. Hiru kontzertu eta argazki erakusketa bat – denak urririk –antolatuak izanen dira Aquitaine.eus mugazgaineko lankidetza programaren baitan.
2016an, Euskal kultur erakundeak eta Etxepare Institutuak, Akitania Berria-Euskadi-Nafarroa Euroeskualdearekin batera, Aquitaine.eus izeneko programa bat abiatu zuten. Honek, Ipar Euskal Herriko, Euskadiko eta Nafarroako kultura eragileen mugikortasuna eta hedapena, eta orokorki mugazgaineko lankidetza sorkuntzak sustatzen ditu Akitania-Berrian. Ondorioz, urtero, euskal artista batzuk programatuak dira Cenon-eko Rocher de Palmer aretoan.
2020ko egitaraua
- Irailaren 24a, 20:30 – Beñat Achiary Trio hirukotearen Bas(h)oan kontzertua
- Azaroaren 3a, 20:30 – Oreka TX eta gomitatuak eta Josetxo Goia-Ariberen kontzertuak
- Azaroaren 3tik 27ra – Polo Garaten Xiberotik argazki erakusketa
Xehetasunak
- Harremana: Le Rocher de Palmer – 05 56 74 80 00
- Aquitaine.eus
- Polo Garat eta Beñat Achiaryren elkarrizketak
