2017az geroz, Zineskola dispositiboak ipar Euskal Herriko eskola eta ikastoletako ikasleei kalitate handiko euskarazko animazio filmak ikusteko parada ematen die. 2026-2027 ikasturterako, Euskal kultur erakundeak eta bere partaideek irudi heziketa dispositibo hau berriz bultzatzen dute, 11. urtez. Proiekzioak martxo inguruan iraganen dira, eta interesatuak diren irakasleek izenak EKEren bidez eman ditzakete, 2026ko azaroaren 30a arte.
Euskarazko animazio film interesgarriak proposatzea euskara irakasleei eta haien lehen mailako ikasleei
Irudi heziketa sustengatzea, laguntza pedagogiko egokia eskainiz
Euskararen erabilera bultzatzea eskolatik kanpo
Aurten, ama eskolako ikasleek Barraskiloaeta Balea-ren abenturak deskubrituko dituzte. Aldi berean, lehen hezkuntzako ikasleekBasatiak filma ikusiko dute, natura, animaliak eta abentura uztartzen dituen istorio dibertigarri eta hunkigarrian.
Joan den urtean bezala, irakasleei formakuntza saioak eskainiko zaizkie, proposatu tresna pedagogikoak aurkezteko, filmen edukiak ikasleekin landu ditzatzen.
"Barraskiloa eta balea" filma
Dispositiboaren ibilera
Zinegela parte hartzaileak: Atalante (Baiona), Le Royal (Biarritz), Le Sélect (Donibane Lohizune), Haritz Barne (Hazparne), Itsas Mendi (Urruña), L’Aiglon (Kanbo), Maule Baitha (Maule), Saint-Louis (Donapaleu), Le Vauban (Donibane Garazi), Les Variétés (Hendaia), Getari Enea (Getaria).
Tokien erreserbatzea: dispositiboan izena eman ondotik, ikastetxe bakoitza zuzenki harremanetan sartuko da hurbilen duen zinema gelarekin emanaldiaren eguna eta ordutegia finkatzeko.
Prezioa haurka: 2,80 €
Garraioa: eskola bakoitzak bere garraioa antolatuko du autobus konpainiekin zuzenki harremanetan sartuz.
Egutegia
Dispositibo eta formakuntzetarako izen ematea: Zineskola formularioa betez 2026ko azaroaren 30era arte berantenaz.
Irakasleen "formakuntza" eguna: 2027ko urtarrilaren 13an
Emanaldien egutegia: 2027ko martxoaren 1etik apirilaren 30era.
