Hemen zaude: Hasiera Euskal kultura Bertsularitza Baliabide-iturriak

Baliabide-iturriak

Bertsularitzari buruzko baliabide batzuk.

Xiberoa, Lapurdi eta Baxe Nabarra - Bertsularien Lagunak
Bertsularien Lagunak elkarteak, Ipar Euskal Herriko eremuan (Lapurdi, Baxenabarre, Xiberua) garatzen du bertsularitza, bai eta sustatzen, ikertzen eta begiratzen, bereziki erakaskuntzaren bidez, saioak eta Xilaba xapelketa antolatuz.

Euskal Herriko Bertsozale Elkartea
Bertsozale Elkartea 1987an sortu zen bertsoaren bitartez jaso dugun ondareak geroa izan dezan ziurtatu asmoz. Diru-irabazi asmorik gabeko erakunde sozio-kulturala da eta 2260 bazkide ditu gaur egun. Bertsolaritzaz arduratzen diren bestelako eragile guztiekin batera, bertsolaritza zaindu, sustatu, ikertu eta bere transmisioa eta etorkizuna bermatzea da Bertsozale Elkartearen egitekoa.

Xenpelar Dokumentazio Zentroa
Bertsularitzaren erreferente nagusia den Xenpelar Dokumentazio Zentroak helburu hirukoitza du: bertsularitzaren ondarea bildu, antolatu eta gizarteratu. Informazio hauetaz gain, munduko beste ahozko inprobisazioei buruzko informazioa tratatzen du.

BDB Bertsolaritzaren datu-basea
Xenpelar dokumentazio zentroaren datubasea. 1980tik bildutako informazioa 6 ataletan banatua da: biografiak, aldizkako ekitaldiak, doinuak, bertsoak, grabazioen katalogoa, bai eta ere agenda geolokalizatua.

Mintzola Fundazioa
Euskararen ahozkotasunaren ikergune eta erreferentzia, ahozko tradizioaren behatoki dinamikoa izan nahi duena eta gaurko gizarteak ahozkotasunaren alorrean dituen premien erantzule.

Bertsoa.eus - Bertso plaza digitala
Bertsularitzaren zabalkunderako komunikazio proiektu berritu eta bateratua, 2006an sortua. Bertso Plaza Digitala Elkarteak eta Euskal Herriko Bertsozale Elkarteak lankidetzan argitaratua, orain arteko Bertsoa.eus eta Bertsoplaza.tv-ren egitasmo eta lantaldeak bat eginda.

Lanku
LANKUk (Bertsozale Elkarteak bertsolaritzaren azpiegitura indartzeko sortutako enpresa) edozein kultur ekitaldi sortzeko eta antolatzeko giza zein baliabide materialak kudeatzen ditu . Bertsolaritza indartzea du helburu.

Bertso-eskola digitala
Webgune honetan hiru tresna berri aurkituko dituzu: -Bertsotarako Arbel digitala, bertsoak idazteko aukera emango dizuna, ordenagailuaren abantailak eskura jarriz (errimategia, doinutegia, neurri zuzentzailea). -Bertso-eskolen mapa, bertso-eskolak zein herritan dauden eta bakoitzak ikasturte horretan zeintzuk talde dituen bistaratzen duena. -Bertsolaritzaren mapa, herri bakoitzean bertsolaritza zer osasunetan den bistaratzen duena, datuekin. Webgune honen nahia, bertsolaritza sustatzen ari diren bertso-eskolei eta herrietako eragileei tresnak ematea da, euren herriko edo bailarako egoeraren irakurketak egin ahal izateko, eta non eragin jakiteko. Bertso-eskolarako baliagarriak diren beste hainbat elementu ere aurkituko dituzu "tresnak" atalean.

Argo proiektua - Ahozko inprobisazioa munduan
Munduan gaindiko ahozko inprobisazioari buruzko ataria. Bertsozale elkarteak kudeatua.

Etxepare, euskal institutua
Bertsolaritzari buruzko argibide orokorrak.

hiru.com - Bertsularitza
XIX. mendean, berpizkundea (1876-1935), emazteak bertsularitzan, bertsua, txapelketak, hots atal osoa ahozko literatura forma honi buruz.

Iparraldeko bertsularitza munduko eragileak

Xan Alkhat bertsularia - Bat-batekoan! (cc-by-sa Nahia Garat)

Bertsulari, gai-egile, gai-emaile, saio antolatze, lehiaketak eta txapelketak, bertsu eskolak eta baliabide zentroak, Euskal kultur erakundearen datubasean zerrendatuak.

Agenda
  • Ikastaroak
  • Bertsularitza
Bertsu egonaldia Iratin Noiztik: 2019/05/31 Noiz arte: 2019/06/02
  • Bertso saioak
  • Kontzertuak
  • Bertsularitza
  • Koru kantua
Ortzaizeko korala + Amets Arzallus & Ortzi Idoate bertsulariak 2019/06/01
  • Bertso saioak
  • Bertsularitza
Euskal Herriko Eskolarteko Bertsolari Txapelketa 2019/06/08
Gehiago…
Interneten
Bilatzaile berria du Bertsolaritzaren Datu Baseak | 2019-02-19, Bertsozale Elkartea

Bilaketa bakarra eginda, BDB barruan dauden datu base guztietan zer dagoen ikusteko aukera egongo da.

Tags:

Larunbatean ospatu zen Senpereko "Larraldean" Bertsularien Lagunak elkartearen urteroko Biltzar Nagusia — Bertsozale Elkartea

2018an transmisioan eta sustapenean egin lanaren bilanak eta 2019rako egitasmoak aurkeztu ziren. Bertara hurbildurikoek 2018ko diru kontuak eta 2019ko aitzinkontua aho batez onartu zituzten. Bertan bildu ziren, bertsulariak, bertsuzaleak eta erakunde ezberdinetako ordezkariak, bertzeak bertze: Euskararen Erakunde Publikoa, eta Euskal Kultur Erakundea.

Tags:

Jon Lopategi, bertsolaritzaren transmisioaren erreferentea | 2019-02-08, Euskaltzaindia

Bertsolaritzara gai sozialak ekartzen aitzindari izan zen bertsolaria hil da, 84 urte zituela. Bertsolari txapelduna izan zen muxikarra, eta bertsolaritzaren transmisioaren erreferentea.

Tags:

Gehiago…