Durangoko Azoka

1965ean sortu zenetik, Gerediaga elkarte antolatzaileak Euskal Herriko liburugintza eta diskogintzaren ekoizpena ezagutzera ematea du helburu Durangoko azokan. Urtero, euskalgintzan diharduten eta euskalzale guztien topagune bihurtu da.

Azokako giroa
Azokako giroa
Gerediaga elkarteak lehenengo Euskal Liburu eta Disko Azoka sortu zuen Francoren diktadura garaian, 1965ean, Omiasaindu egunez Andra Mariko elizpean. 19 erakusle izan zituen.

gerediaga.jpg
gerediaga.jpg
Kokapen asko ezagutu zituen azokak: Andra Mariko elizpean 1974 arte (eten batekin 1967an), merkatu plazan 1996 arte. Ondotik, leku eskasez, orube (edo zelai) ezberdinetan karpak emanez segitu zuen Euskal Liburu eta Disko Azokak.

2003 urteaz geroz Landako Erakustazokan kokatua dago (ikus kokapena karta batean), baldintza duinetan. Izan ere, beste aldaketa bat ezagutu zuen 1980ean, abenduko lehen festa egunetara pasatu baitzen.

Landako erakustazoka
Landako erakustazoka

Argizaiola sariak

1992. urteaz geroz, Gerediaga elkarteak Durangoko Azokaren karietara Argizaiola saria eskaintzen du pertsona zein erakundeek euskararen eta euskal kulturaren alde egindako lana goraipatzeko. Saria ukan dituzten zerrendan, azpimarratzekoak dira Maiatz aldizkaria eta Maiatz-en sortzailea eta zutabe nagusia Luzien Etxezaharreta (2007an) eta Libe Goñi (2009an).

 Eñaut Etxamendi idazlea, Luzien Etxezaharreta Maiatz-en mahaian, 2009ko edizioan.
Eñaut Etxamendi idazlea, Luzien Etxezaharreta Maiatz-en mahaian, 2009ko edizioan.

Eskaintza nasaia

Durangoko Euskal Liburu eta Disko Azokak 150 bat partehartzaile eta 300 bat stand biltzen ditu urtero. 2011n 105.000 bisitari zenbatu ziren. Egitarau anitza bezain aberatsa proposatzen da azokaren karietara: ikusgarri, kontzertu, hitzaldi, liburu aurkezpen, eztabaida, umeentzako ausagailu etab.

Euskal kultur erakundearen eta Gerediaga elkartearen arteko partaidetzari esker, Iparraldeko euskal literatura eta musika arloko eragileen presentzia azkartuz joan da ere azken urte hauetan.

Bisitariak ezinbesteko kultur topagune honetara milaka hurbildu ziren, gozamenez gozamen.

Argibideak