Xiberoa

Zuberoak ere, bere bertsulariak edo koblakariak ukan ditu eta ez nolanahikoak. XVIII. mendean Beñat Mardo, gaur egun oraino famatuak diren bederen hiru kanturen asmatzailea izan da. Zorigaitzez bere sortze eta heriotz egunak ez ditugu ezagutzen.

Ohar bat : Mardok, garai bereko beste bertsulari bat, Museña izenekoa, aipatzen du bere kopletan. Biak Barkoxtarrak ziren.

Koblakaria eta xirularia
Koblakaria xirulariarekin pastorala batean (Euskal Museoa)
Herri berekoa, Pierre Topet- Etxahun (1786-1862) orduko "olerkari madarikatua", Euskal Herriko bertsulari-olerkari kantatuena dugu. Kondairetako pertsonaia horren bertsuek gaitzeko samintasuna dakarte.

Jean Haritschelharrek erraiten digun bezala, olerkari bertsulari xiberotarraren eskuizkribu batzu Baionako euskal erakustokian gordeak dira.  Pertsonaia horri buruz egin duen tesian dokumentu horien hainbat pasarte argitaratu ditu.

Jan Battitt Constantin Bordaxar "Joanes Garaztarra" (1847-1922) erakaslea zen. Lapurdin Lehuntzen sortua, Donibane Garazi aldean egona, bere biziki zati handiena Xiberoan iragan du. Euskaraz gain, lau hizkuntza menperatzen zituen: frantsesa, latina, espainola eta okzitanoa. Bertsutako lanik handiena xiberotar mintzairan egin du. Jean Elissalde "Zerbitzari"-k honela aurkezten du:

Xuberotik ari da Joanes Garaztarra
Mende zaharretako euskaldun zaharra
Herria kantatzeko horrek duen karra
Ote da bertsulari Xuberon bakarra

Luzien Villeneuve "Soholuztarra" (Atharratzeko auzo baten izenez deitua) (1852-1934) atharraztarra, familia noble baten semea, bertsu idazle bezala ezagutua zen.

Larraineko Louis Ligueix, goiz zendua, arrunt bestelakoa zen. Goxoa eta jendakina, "Kantuz, kanta, kantore" liburuttoan agertu kantuek haren sendimenduen berri ematen digute.

XX. mendearen hastapenean, Ohitx eta Borthiri-Sala bertsutan ari ziren oraino Xiberuan. Iruriko Pierre Bordaçarre-Etxahun (1905-1979), bederatzi pastoralen eta kantu anitzen egilea, koblakaria ere zen.

Joanes Etxebarria
Joanes Etxebarria. Xi-La-Ba Iparraldeko bertsulari xapelketa, 2010 (EKE - Jakes Larre)
Gaurko egoerari behatuz, 2010ko XI - LA - BA Iparraldeko Bertsulari Xapelketaren finalean xiberutar batek parte hartu du lehen aldiz, Joanes Etxebarria-k. Honekin,  Xan Alkhat eta Ramuntxo Christy-ren inguruan dinamika berri bat ari da sortzen Xiberuan eta bertsu eskola bat badago. Bestalde, saioak ugaritu dira, besteak beste urtero 2001az geroz, maiatzean Urdiñarben egiten den Musikaren Eguna kari antolatzen den  lehiaketa bezala.

Iparraldeko bertsularitza munduko eragileak

Xan Alkhat bertsularia - Bat-batekoan! (cc-by-sa Nahia Garat)

Bertsulari, gai-egile, gai-emaile, saio antolatze, lehiaketak eta txapelketak, bertsu eskolak eta baliabide zentroak, Euskal kultur erakundearen datubasean zerrendatuak.

Agenda
  • Bertso saioak
  • Bertsularitza
Hernandorena Bertsu Sariketa - Bigarren kanporaketa 2018/09/21
  • Bertso saioak
  • Bertsularitza
Bertso bazkaria 2018/09/23
  • Bertso saioak
  • Bertsularitza
Hernandorena Bertsu Sariketa - Hirugarren kanporaketa 2018/09/28
Gehiago…
Interneten
Hernandorena Sariketako bigarren kanporaketa Donapaulen | 2018-09-19, bertsoa.eus

Bertsotan: Irati Alcantarilla, Txaber Altube, Jokin Bergara, Jon Gurrutxaga Urbieta, Sarai Robles eta Ane Zuazubizkar Iñarra. Lehen kanporaketaren ondotik Asier Galarza eta Aitor Servierrek lortu zituzten finalerako lehen bi txartelak.

Tags:

Repentista, Payadore eta bertsolariak elkarrekin, urriaren 9tik 14ra | 2018-09-17, bertsoa.eus

Iruñean, Erandion, Hernanin, Gasteizen, Baionan eta Donostian dira saioak. Nazioarteko inprobisatzaileak eta bertsolariak elkarrekin bat-batean aukera izango da Euskal Herriko plazetan urriaren 9tik 14ra. Juana Tomasa Quiala Kubako repentista eta Araceli Argüello Argentinako payadorea izango dira artista gonbidatuak. Amets Arzallus, Jone Uria, Julio Soto, Maialen Lujanbio eta Xabi Igoa ariko dira bertsotan. Iker Iriartek eta Maite Berriozabalek gidatuko dituzte saioak.

Tags:

Ate joka dugu Hernandorena Bertsu Sariketa | 2018-09-05, Bertsozale Elkartea

Irailaren 14an hasiko da Hernandorena Bertsu Sariketa 2018. Hiru kanporaketa eta Finalarekin ospatuko da aurtengoa ere. Saio guziak arratseko 21:00etan izanen dira. Orotara 18 bertsularik hartuko dute parte.

Tags:

Gehiago…